எந்நாளும் ஸ்துதிக்க வேணும்
வந்தனம் பாடி மன்னன் முன் கூடி
மயக்கமகற்றி திரு முன்னில் - நன்றியுடனே
ஆனந்தமாய் கூடுவோம் - பரனை வெகு
சத்தமாய் பாடிடுவோம்
கீத கணம் தேடி நாதனை நாம் பாடி
நாதனாமவரின் திரு நாமமே கதியாய் நாடி - எந்நாளும்
சர்வ வல்ல நாயகன் - அவர் நமது
நல்ல குண போதகன்
நிச்சயம் தாசர்க்கு சித்தம் வெளியாக்கி
கஷ்டத்தில் நின்றவரை முற்றும் விடுவிப்பவரை - எந்நாளும்
தம்மை போற்றி துதிக்கும் - ஜனங்கள் பாரம்
தாமே சுமந்திடுவார்
ராஜாதி ராஜாவாய் என்றுமே வாழ்ந்திடுவார்
நண்றியோடே எல்லோர்களும் இயேசுவை வணங்கிடுவோம் - எந்நாளும்
சிருஷ்டிகளின் நாதனே - ஜெயம் பெருகும்
தூதர்களின் ராஜனே
ஜீவனின் ஊற்றாமே ஜீவா லோக ஈசனே
ஜீவனளிக்க சொந்த ஜீவனை கொடுத்தவரை - எந்நாளும்
தேவ மகிமைக்காய் நாம் - தொடர்ந்து செய்தால்
என்றும் திவ்யானந்தமாம்
உன்னதன் தன்னுடைய சந்நிதியில் நின்று நாம்
மன்னவனே புதுப்பாட்டு வந்தனங்களோடே நிற்போம் - எந்நாளும்
No comments:
Post a Comment